Biografia: Prof.Asoc.Dr. Mirela Miti (Ujkani) ka përfunduar studimet e larta në degën financë-kontabilitet, profili financë në Fakultetin e Ekonomisë, Universiteti i Tiranës në vitin 1999. Ka fituar gradën shkencore “Doktor” në fushën e Kontabilitetit në vitin 2013 dhe titullin akademik “Profesor i Asociuar” në vitin 2021. Ka fituar të drejtën e ushtrimit të profesioneve të lira Kontabilist i Miratuar (2003) dhe Auditues Ligjor (2008). Në vitin 2005 ka filluar punë si personel akademik në Departamentin e Kontabilitetit dhe nga shtatori 2024 është Përgjegjëse e Departamentit të Kontabilitetit.
Prof.Asoc.Dr. Mirela Miti ka një eksperiencë profesionale, e cila është e shtrirë si në sektorin publik ashtu edhe në sektorin privat, të tillë si: Inspektore finance në Prefekturën Berat (1999-2004), Anëtare e Komisionit të Jashtëm të Vlerësimit (2019-2022), Anëtare e Komitetit të Auditimit të Brendshëm në Ministrinë e Financës (2014-2015), Anëtare e Komitetit Kombëtar të Drejtimit për projektin “Zhvillimi i Kontabilitetit në sektorin Publik” (2018 dhe në vijim), etj. Gjithashtu ka ndjekur kursin pasuniversitar në Universitetin e Bolonjës, Itali, i certifikuar nga Central European Initiative (2009); në kuadër të projektit Erasmus+ ka zhvilluar leksione në Universitetin e Poitiers Francë; është bashkëautore e Librit “Kontabiliteti i Kostos” botim ndёrkombёtar i parё nё shqip (2015); është autore dhe bashkëautore e mjaft punimeve shkencorë të botuar në revista ndërkombëtare apo të referuara në konferenca ndërkombëtare të mbajtura në Gjermani, Francë, Luksemburg, Austri,Turqi, Shqipëri, etj.
Aktualisht është pjesë e bordit editorial të disa revistave shkencore ndërkombëtare, trajnere në fushën e standardeve të kontabilitetit, eksperte lokale e projektit në nivel kombëtar “Zhvillimi i qëndrueshëm i kapaciteteve të sektorit të ujit në Shqipëri”, anëtare e shoqatave profesionale IKM dhe IEKA, si dhe në mënyrë të vazhdueshme zhvillon konsulenca në fushën e kontabilitetit, auditimit dhe analizës së pasqyrave financiare për njësitë ekonomike që ushtrojnë aktivitete në sektorë të ndryshëm.
Fusha e kërkimit: Kontabilitet, auditim, standartet e kontabilitetit, etika profesionale dhe analizë e pasqyrave financiare.
Lëndët: Kontabilitet Kosto, Kontabilitet Drejtimi, Standartet Ndërkombëtare dhe Kombëtare të kontabilitetit, Analiza e Pasqyrave Financiare,
