MSc në Kontabilitet dhe Auditim - Fakulteti i Ekonomisë, Universiteti i Tiranës

Titulli akademik i studimit	Diplomë Master i Shkencave në Kontabilitet dhe Auditim
Cikli i studimit	Studime të Ciklit të Dytë
Emri dhe statusi i institucionit	Universiteti i Tiranës, Fakulteti i Ekonomisë, Institucion Publik
Gjuha e përdorur në mësimdhënie/ provime	Shqip
Kohëzgjatja zyrtare e programit të studimit	2 vjet
Forma e studimit	Me kohë të plotë

Kushtet e pranimit në programin konkret të studimit

Programi i Masterit Shkencor në Kontabilitet dhe Auditim synon t’u japë studentëve eksperiencën e nevojshme për një karrierë të suksesshme në fushën e shërbimeve të kontabilitetit, auditimit dhe administrimit fiskal dhe për vazhdimin e studimeve të mëtejshme në këto fusha. Programi Masterit Shkencor në Kontabilitet dhe Auditim jep një sistem të gjerë njohurish në fushën e kontabilitetit, auditimit dhe në fusha të tjera të lidhura me të, me objektiv kryesor formimin e specialistëve të aftë për ushtrimin e profesionit të kontabilistit dhe për realizimin e studimeve të avancuara në këtë fushë. Për realizimin e këtij objektivi, programi parashikon thellime në fusha të tilla bazë, si ato të kontabilitetit të avancuar, të standardeve ndërkombëtare të kontabilitetit, të analizës së pasqyrave financiare, të organizimit të sistemeve të informacionit kontabël, si dhe në një sërë fushash specifike, si ato të auditimit, të kontabilitetit ligjor, etj. Krahas këtyre, studentët plotësojnë njohuritë e tyre edhe në fusha të tjera ndihmëse, si në ato të financës, të qeverisjes së korporatave dhe drejtimit strategjik, të financave publike, etj.

Përfundimi me sukses i këtij programi studimi, u mundëson studentëve edhe ndjekjen në mënyrë koherente të një karriere kërkimore apo akademike, nëpërmjet vazhdimit të studimeve të doktoraturës, duke rritur kështu mundësitë për zhvillimin e mëtejshëm të karrierës së tyre profesionale në fushën e administrimit publik.

Objektivat dhe veprimtaritë formuese të programit të studimit

Në përfundim të programit të studimit:

Të diplomuarit do të jenë të aftë të kuptojnë, përpunojnë, analizojnë informacionin kontabël dhe financiar, si dhe të marrin vendime që mundësojnë arritjen e zgjidhjeve të suksesëshme të biznesit.

Të diplomuarit do të jenë të aftë të njohin, kuptojnë dhe zbatojne standartet kombëtare e ndërkombëtare të kontabilitetit, standartet ndërkombetare të auditimit dhe standartet ndërkombëtare të dhënies së sigurise, si dhe të organizojnë dhe drejtojnë sistemet e auditimit te brendshëm e të jashtëm.

Të diplomuarit do të jenë të aftë të ofrojnë këshillim dhe asistencë në fushën e kontabilitetit, të auditimit dhe të shërbimeve të sigurisë, manaxhimit të riskut, legjislacionit tatimor etj.

Të diplomuarit do të jenë të aftë të punojnë në fushat e sipërpërmendura në mënyrë individuale ose/dhe në grup, të bashkëpunojnë në mënyrë etike dhe profesionale me mjedisin e jashtëm.

Të diplomuarit do të jenë njohur dhe familjarizuar me praktikat dhe sistemet aktuale të kontabilitetit, auditimit, që zbatojnë kompanitë në nivel kombëtar e ndërkombëtar, duke bërë të mundur integrimin më të shpejtë të tyre në tregun e punës.

Të diplomuarit do të mund të tregojnë aftësi për të kuptuar dhe aplikuar standartet e etikës ndaj problemeve te ndryshme, ne mjedisin konkurrues te biznesit.

Të diplomuarit do te mund të zhvillojnë aftesite e tyre mbi planifikimin analitik, e manaxhimin e projekteve konkrete.

Skema e vlerësimit

Shkalla e përvetësimit të programit mësimor vlerësohet me sistem notash nga 1 në 10, ku notat kanë kuptimin e mëposhtëm: 1-4 mbetës, 5 mjaftueshëm, 6 kënaqshëm, 7-8 mirë, 9 shumë mirë, 10 shkëlqyer.

Gjatë provimeve aplikohet një sistem pikësh, rezultatet e të cilave konvertohen në nota bazuar në skemën e mëposhtëme:

Nota	Pikët
4	deri në 50 pikë
5	51-57
6	58-65
7	66-73
8	74-81
9	82-89
10	90-100

Mundësia për studime të mëtejshme

Programet e lëndëve në këtë nivel ofrojnë thellim, zgjerim dhe specializim të njohurive teorike dhe aftësi për kërkim të avancuar dhe të pavarur shkencor. Synohet pajisja e studentit me mjetet, aftësitë dhe njohuritë e thelluara teorike shkencore për një karrierë të suksesëshme profesionale dhe akademike nga njera anë dhe nga ana tjetër aftësitë për përshtatjen e tyre në praktikë.

Në fokusin e tij të plotë ky program studimi vendos e gërsheton njohuri teorike dhe praktike për të nxitur tek studenti mendimin kritik dhe krijues si dhe për t’i përgatitur për përballjen me çështje bashkëkohore e kyçe në fushën e kontabilitetit dhe auditimit nëpërmjet një modeli mësimdhënjeje të mbështetur fort në praktika shkencore dhe hulumtuese në kontabilitet dhe auditim.

Mundësitë e punësimit dhe të kualifikimit profesional

Figura profesionale bazë që formohet nëpërmjet këtij programi është ajo e specialistit kontabël dhe e audituesit, te cilet jane në gjendje të punësohen si drejtues kontabiliteti i firmave të mëdha e të mesme, si auditues i brendshëm, si analist i pasqyrave financiare, si specialist i ndërtimit të sistemeve të kontabiltetit, etj. Pas përfundimit të programit, në sajë të njohurive të marra, studenti aftësohet për zhvillimin e një karriere të suksesshme edhe si profesionist i pavarur, në veçanti duke ndjekur rrugën e ushtrimit të profesionit të kontabilistit të miratuar, ekspertit kontabël të autorizuar, apo të këshilltarit fiskal. Sistemi i nohurive që ofrohet nga ky program dhe kompetencat që përftojnë studentët nëpërmjet tij u mundësojnë atyre edhe ndjekjen e një karriere kërkimore apo akademike nëpërmjet vazhdimit të studimeve të ciklit të tretë (doktoraturës).

Programi i këtij kursi përmbyll ciklin e studimeve të nivelit të dytë sipas Kartës së Bolonjës.

Detajet e programit të studimit

Nr.	Lënda	ECTS	Orë gjithsej	Semestri
Viti i Parë
1	Tregjet dhe Institucionet Financiare	6	60	I
2	Organizimi i Sistemit të Kontrollit Kontabël	6	60	I
3	Drejtimi Financiar i Avancuar	6	60	I
4	Standardet Ndërkombëtare dhe SK të Kontabilitetit	6	60	I
5	E Drejta e Biznesit	6	60	I
6	Legjilacion dhe Administrim Tatimor e Tregtar	6	60	II
7	Kontabiliteti Financiar i Avancuar	7	75	II
8	Kontabiliteti Publik dhe i OJF-ve	6	60	II
9	Metodologjia e Kërkimit dhe Metodat Sasiore në Kontabilitet	6	60	II
Lëndë me zgjedhje (zgjidhet 1 në tre lende)
10	Kontabilitet i Sigurimeve dhe i Bankave/Kontabilitet Ligjor	5	60	II
	Qeverisje e Korporatave	5	60	II
	Manaxhim Risku	5	60	II
Gjithsej Viti i Parë		60	615
Viti i Dytë
1	Kontabilitet Drejtimi i Avancuar	7	75	I
2	Auditimi dhe Standartet Ndërkombëtare të Auditimit	6	60	I
3	Analiza e Pasqyrave Financiare	6	60	I
4	Shërbimet e Konsulencës, të Dhënies së Sigurisë dhe të Tjera Profesionale	6	60	I
Lëndë me zgjedhje (zgjidhet 1 në tre lëndë)
5	Etike Profesionale	5	60	I
	Financa Publike
	Modelimi i Spreadsheet ne Kontabilitet
6	Praktika	12	240	II
7	Mikroteza	18	90	II
Gjithsej Viti i Dytë		60	645
Total Viti I+II		120	1260