Biografia: Polina Çeço ka përfunduar studimet Bachelor në degën e Informatikës Ekonomike në Fakultetin e Ekonomisë, Universiteti i Tiranës me medaljen e “Studentit të Shkëlqyer” në vitin 2015. Në vazhdimësi ka kryer Masterin Shkencor në Siguri Informacioni në Universitetin e Tiranës dhe Masterin Shkencor në Menaxhimin e Sistemeve të Informacionit në Universitetin e Lundit, Suedi. Polina ka punuar për më shumë se 8 vite në pozicione të lidhura me integrimin dhe analizën e të dhënave (Analist të Dhënash, Inxhinier të Dhënash, Analist i Inteligjencës së Biznesit) në sektorin privat dhe publik, brenda dhe jashtë Shqipërisë. Polina po kryen studimet e doktoraturës në Fakultetin e Ekonomisë, Universiteti i Tiranës dhe fusha e saj e studimit është përpunimi i të dhënave të pastrukturuara në rekordet mjekësore në gjuhën shqipe përmes teknikave të Natural Language Processing.
