Në kuadër të 65 vjetorit të krijimit të Universitetit të Tiranës, Fakulteti i Ekonomisë, UT, organizoi Konferencën Ndërkombëtare me temë “Rebound, Rebuild and Reinvent for a Sustainable and Equitable Development”.
Konferenca i zhvilloi punimet në datat 10 - 11 Qershor 2022. Në datën 10 Qershor, Ora 17:00-20:00, Konferenca u mbajt në Tirana International Hotel, Salla Balsha. Profesorë vendas e të huaj, drejtues të Universitetit të Tiranës, fakulteteve, drejtues të universiteteve të rajonit (Maqedonia e Veriut, Kosova), drejtues të institucioneve financiare të vendit, përfaqësues të biznesit vendas, studentë, morën pjesë në ceremonine e hapjes dhe patën mundësinë për t'u takuar e zgjeruar rrethin e kontakteve.
Aktiviteti u transmetua në shqip dhe në gjuhën angleze (Linku i konferencës)
Profesor Dhori Kule, Dekan i Fakultetit të Ekonomisë, Drejtues i Konferencës, në fjalën e tij hapëse ndër të tjera prezantoi një panoramë të stafit akademik të Fakultetit të Ekonomisë, programet e studimit dhe fushat kërkimore etj. (Fjala e plotë e Prof. Dr. Dhori Kule në attach)
Znj. Delina Ibrahimaj, Ministre e Financave dhe Ekonomisë, përshëndeti konferencën dhe veç të tjerash prezantoi dhe programin e tregut të punës për "Garancinë Rinore".
Më pas, ndërmjet Ministres së Financave dhe Ekonomisë, Znj. Delina Ibrahimaj në cilësinë e Kryetares së Këshillit Kombëtar të Investimeve dhe Dekanit të Fakultetit të Ekonomisë, Prof. Dr. Dhori Kule u nënshkrua një memorandum bashkëpunimi.
Znj. Milva Ekonomi, Ministre e Shtetit për Standartet dhe Shërbimet iu drejtua pjesëmarrësve duke vlerësuar nevojën e kërkimit shkencor të ekonomistëve për gjetjen e zgjidhjeve që koha ka shtruar përpara shoqërive dhe shteteve pas pandemisë Covid 19 dhe luftës në Ukrainë.
Kryetari i Bashkisë Berat, Prof. Asoc. Ervin Demo përshëndeti konferencën në emër të pushtetit vendor.
Rektori i Universitetit të Tiranës, Prof Artan Hoxha, iu drejtua pjesëmarrësve duke përgëzuar aktivitetin kërkues të profesoratit të Universitetit të Tiranës dhe planet për mbështetjen e fuqizimin e kërkimit shkencor në fakultete.
Z. Gent Sejko, Guvernatori i Bankës së Shqipërisë, si një nga folësit kryesorë, mbajti referimin shkencor me analizën për ndërhyrjet me instrumenta e paketa fiskale që Banka e Shqipërisë bëri për të lehtësuar pasojat e papunësisë shkaktuar prej pandemisë Covid-19.
Në ditën e dytë, konferenca zhvilloi punimet në 12 seanca paralele në ambientet e Fakultetit të Ekonomisë, Universiteti i Tiranës, ku profesorë vendas e të huaj, ndanë këndvështrime e gjetje nga kërkimi i tyre shkencor në fushat:
- “Macroeconomic diagnostics and structural reforms”
- “Tools and policies for inclusive growth - shaping the future”
- “Challenges of modern finance”
- “Sustainable financial development”
- “Financial Reporting and Tax Reform Challenges”
- “Accounting and Auditing boosted by ICT”
- “Training and Development”
- “Good governance challenges”
- “Marketing under new challenges”
- “Sustainable tourism”
- “ICT, business and society”
- “Information Security and Data Analysis”