Të dashur Maturantë!

Pas mbylljes së regjistrimeve të raundit të dytë në datën 07 Tetor, në Fakultetin e Ekonomisë ka ende kuota të lira në programet e studimit përkatësisht: Administrim-Biznesi 24 kuota të lira, Ekonomiks 21 kuota të lira, Financë 13 kuota të lira dhe Informatikë Ekonomike 3 kuota të lira. Në total 61 kuota të lira.

 Bazuar në Urdhërin e Përbashkët të QSHA dhe RASH Nr. 10, dt. 10. 07. 2023 që mbështetet në Udhëzimin e MAS Nr. 12, dt. 30.06.2023:

 Në datat 10-11 Tetor, ora 09:00-16:00, maturantët që janë pjesë  e portalit U-Albania të cilët rezultojnë të pa regjistruar në asnjë  program studimi, kanë të drejtën e regjistrimit në një nga degët me kuota të lira në Fakultetin e Ekonomisë.

 Kandidatët duhet të marrin me vete diplomën/certifikatën e shkollës së mesme të shkarkuar nga portali e-albania ose dokumentin origjinal. Formulari i kërkesës i vendoset në dispozicion aplikantit kur paraqitet pranë posteve të regjistrimit në Fakultetin e Ekonomisë, kati i parë, pranë zyrës së informacionit.

  Në datën 14 Tetor do të shpallen listat me renditjen e plotë të aplikantëve. Në datat 15-16 Tetor, ora 09:00-16:00, do të kryhet regjistrimi i aplikantëve fitues në Fakultetin e Ekonomisë, në sekretarinë mësimore kati i parë.