Ditën e Hënë, më datë 28 Prill, pranë ambienteve të “ Godina Iliria”, Departamenti i Financës zhvilloi konkursin kërkimor-shkencor, me temë "Financat shqiptare nën optikën studentore" me studentët e programit Bachelor në nënfushat dhe trendet e fundit të financës. Ky konkurs nxorri në pah kreativitetin, aftësinë analitike dhe potencialin inovativ të studentëve.
Ky aktiviteti u përshëndet nga Z. Bernard Dosti, Dekan i Fakultetit të Ekonomisë, Universiteti i Tiranës, i cili në fjalën e tij përshëndetëse inkurajoi studentët të jenë pjesë e aktiviteteve kërkimore-shkencore që zhvillohen vazhdimisht në Fakultetin e Ekonomisë, Znj.Dorina Kripa, Përgjegjëse e Departamentit të Financës, dhe Znj. Valbona Guri, përfaqësuese e Credins Bank.
Nga 11 grupe pjesëmarrëse u përzgjodhën 3 grupe fituese. Konkursi ishte një mundësi për të demonstruar aftësitë kërkimore dhe për të kontribuar në zhvillimin e mendimit kritik në fushën e financës.