Fakulteti i Ekonomisë i Universitetit të Tiranës (FEUT) pati kënaqësinë të priste nga 28 maji deri më 5 qershor 2025, Prof. Dr. Sang M Lee nga Universiteti i Nebraskës (UNL, SHBA), personalitetin e shquar të botës akademike dhe shkencore, kontribuesin kryesor në hapjen e programeve MBA dhe MPA në Shqipëri, ndërtimin e kapaciteteve, përmirësimin e kurrikulave sipas standardeve dhe kërkesave të kohës, dhe mbështetjen e institucionit në shumë aktivitete. Falë këtij bashkëpunimi, FEUT u bë institucioni i parë në Shqipëri drejt Ndërkombëtarizimit të universiteteve.
Një biografi e shkurtër e Dr. Sang M Lee:
Dr. Lee është Studiues i Shquar i Universitetit dhe Profesor Emeritus i Dalluar i Regentëve të Universitetit në Universitetin e Nebraskës-Lincoln (UNL), SHBA. Ai u diplomua nga Universiteti Kombëtar i Seulit në Kore dhe mori gradën e doktoraturës nga Universiteti i Xhorxhias, dhe e filloi karrierën e tij në Institutin Politeknik të Virxhinias në vitin 1968. Pasi shërbeu si Profesor dhe Koordinator i Shkencës së Menaxhimit në Virxhinia Tech për 8 vjet, ai iu bashkua UNL si Shef i Departamentit të Menaxhimit në vitin 1976. Hulumtimi i tij themelor mbi vendimmarrjen me objektiva të shumëfishta, strategjinë globale dhe inovacionin është njohur globalisht. Ai ka botuar mbi 70 libra, më shumë se 350 artikuj në revista dhe ka prodhuar 145 doktorata gjatë karrierës së tij universitare. Ai shërbeu si President dhe Kryetar i Programit të Institutit Kombëtar të Shkencave të Vendimeve (DSI) në SHBA. Ai është Anëtar i DSI, Akademisë së Menaxhimit, Shoqatës së Biznesit Pan-Paqësor dhe fitues i Çmimit Inaugural Lifetime Educator dhe Çmimit të Shërbimit të Shquar të DSI. Ai ka shërbyer si Kryeredaktor e themelues i Service Business (Springer Publishers). Ai ka marrë pesë diploma nderi doktorature për kontributin e tij në edukimin global të biznesit. Sang ka shërbyer si Kryetar i Programit të 50 konferencave ndërkombëtare dhe kombëtare dhe ka vizituar mbi 200 universitete dhe qendra kërkimore në 75 vende si një studiues i shquar i ftuar. Ai drejtoi projekte ndërkombëtare për Qeverinë e SHBA-së për mbi 15 vjet në Evropën Lindore, Azinë Juglindore dhe Azinë Qendrore. Puna e tij si Drejtor i Programit të Projektit të USAID-it në Shqipëri gjatë viteve 1992-2004 solli arsim modern në ekonominë e tregut dhe sipërmarrjen në vend. Ai prezantoi programin e parë MBA në Shqipëri në Universitetin e Tiranës. Ai solli më shumë se 25 pedagogë shqiptarë në SHBA për trajnimin pasuniversitar. Për kontributin e tij, ai mori Honoris Causa nga Universiteti i Tiranës në vitin 1998 dhe një medalje nga Presidenti Bujar Nishani në vitin 2016.
Disa nga aktivitetet e Dr. Lee gjate qendrimit ne Shqiperi:
Takimi me stafin e trajnuar në SHBA ishte një nga këto aktivitete emocionuese dhe shumë speciale. Të gjithë i janë mirënjohës këtij personaliteti dhe bashkëpunëtorëve të tij, Profesorëve të shquar amerikanë Fred Lufthans, Lester Digman dhe Ijrish Gupta, si dhe lidhjeve të vazhdueshme përmes profesorëve shqiptarë atje Silvana Trimi, Arbeni Asllani, etj.
Një aktivitet tjetër i rëndësishëm dhe interesant ishte me kandidatët për doktoraturë të FEUT. Dr. Lee dhe kolegët e tij qe e shqeronin ate, ish-lektorë të Fakultetit tonë, dhe sot, lektorë të shkëlqyer në universitetet e njohura amerikane, Silvana Trimi dhe Beni Asllani, patën një takim interaktiv me ta! Ne aktivitetet u diskutoi kryesisht mbi rolin e IA-së në kërkimin shkencor, të shoqëruar me shumë shembuj praktikë që ngjallën shumë interes.
Më 21 qershor 2025, Prof. Sang M Lee ishte i ftuar si pjesë e serisë "AUDITOR-EDUCATION", në programin e RTSH, me temë: "Pse Fakulteti i Ekonomisë quhet një Model Ndryshimi? Kontributi i Profesorëve Amerikanë në krijimin e Standardeve të Mësimdhënies".
Ky program iu kushtua kontributit të çmuar të të gjithë profesorëve amerikanë dhe veçanërisht të Prof. Lee, një kontribut i cili tani vlerësohet nga breza të tërë ish-studentësh që patën fatin të ishin pjesë e programeve Master, të parat në Shqipëri dhe të përfundonin me sukses studimet e tyre në MBA dhe MPA, me diploma të dyfishta nga UT (Shqiperi) dhe UNL (SHBA). Programi u shoqërua me intervistat nga Prof. Dr. Dhori Kule, ish-Rektor i Universitetit të Tiranës dhe Prof. Dr. Kozeta Sevrani, Zëvendës-dekane e Fakultetit të Ekonomisë, Universiteti i Tiranës.
Qëndrimi i Dr. Lee në Shqipëri pati një aktivitet shumë të bukur në qytetin e Vlorës, ku Deputeti i parlamentit shqiptar Bujar Leskaj ofroi mikpritje të jashtëzakonshme, duke qenë vetë pjesë e programit të trajnimit në SHBA, gjatë kohës që ishte lektor në FEUT. Një grup i mrekullueshëm polifonik nga ky qytet na surprizoi të gjithëve gjatë kësaj vizite.
Pas përfundimit të vizitës së tij shumë të veçantë dhe unike, Dr. Lee shkroi: Ishte një udhëtim shumë i paharrueshëm në Shqipëri dhe gjithçka u bë e mundur falë të gjithëve ju!