Fakulteti i Ekonomisë do të nis regjistrimet për Kandidatët Fitues të Raundit të Parë në programet e studimit në të cilën janë shpallur fitues. Regjistrimet për fituesit e Raundit të Parë, do të fillojnë prej datës 29 Gusht e vijojnë deri në 12 Shtator 2025 përgjatë 7 fazave (48-orëshe).
Dokumentet e nevojshme për regjistrimin e Aplikantëve Fitues për të ndjekur studimet në Fakultetin e Ekonomisë (UT), në Raundin e Parë të Regjistrimeve sipas Udhëzimit përkatës të MASR dhe Vendimit të Bordit të Administrimit UT, janë:
1) Kopje e dokumentit të identifikimit;
2) Diploma e maturës shtetërore së bashku me certifikatën përkatëse të notave e shkarkuar me vulë elektronike nga E-Albania, ose të një diplome studimi të fituar jashtë vendit dhe të njehsuar nga QSHA;
3) Deklaratën e paraqitur në shtojcën nr. 1 pjesë përbërëse e udhëzimit e cila plotësohet nga kandidati në prani të punonjësit të sekretarisë mësimore të IAL-së dhe që nënshkruhet prej tyre;
4) Formulari i aplikimit sipas shtojcës nr. 2, pjesë përbërëse e udhëzimit.
5) Pagesa e tarifës së regjistrimit (1600 lekë), e cila mund të kryhet pranë shërbimit të "Posta Shqiptare" që do të ofrohet në ambjentet e Fakultetit të Ekonomisë.
Ditën e regjistrimit, kandidatët fitues do të kenë mundësinë të zgjedhin nëse duan ta zhvillojnë të gjithë mësimin në gjuhën angleze. Kjo mundësi ofrohet për secilën nga katër degët e Fakultetit të Ekonomisë, përkatësisht: Ekonomiks, Financë, Administrim Biznes dhe Informatikë Ekonomike.
Gjithashtu, bazuar në Udhëzimin Nr. 12, datë 30.06.2023 mbi “Procedurat e aplikimit dhe të regjistrimit në Institucionet e Arsimit të Lartë”, dhe urdhërit të përbashkët me nr. 157, datë 03.06.2025 njoftojmë se kandidatët të cilët i përkasin një prej kategorive si: Kandidatë nga Republika e Kosovës, Kandidat me origjinë shqiptare nga Maqedonia e Veriut, Mali i ZI, Presheva, Medvegja dhe Bujanovci; Kandidatat me diplomë të huaj të shkollës së mesme, Kandidat që aplikon për transferim të studimeve dhe për program të dytë studimi, Kandidat i pakicave etj., kanë të drejtën të aplikojnë për të ndjekur studimet e ciklit të parë, në Fakultetin e Ekonomisë, UT, duke u paraqitur fizikisht pranë fakultetit për të dorëzuar dokumentacionin përkatës brenda afateve të përcaktuara në kalendar.
Fakulteti i Ekonomisë ju mirëpret të bëheni pjesë e tij!
Suksese!
Klikoni për më tepër:
Tarifë Rregjistrimi Bachelor, Program i Parë