Objektivat dhe veprimtaritë formuese të programit të studimit

Objektivi kryesor i programit Bachelor në Financë është t’u japë studentëve njohuritë e nevojshme bazë në fushën e financë-kontabilitetit, menaxhimit dhe ekonomisë, me qëllim formimin e specialistëve të aftë për të punuar në këto fusha, si specialistë finance dhe kontabiliteti të njësive të vogla e të mesme të sektorit privat dhe institucioneve publike. Për realizimin e këtyre objektivave, programi parashikon thellime në fusha të tilla si ato të financës, të kontabilitetit, të informatikës dhe të statistikës, të mikroekonomisë dhe makroekonomisë, të legjislacionit tregtar, etj. Studentët e këtij niveli mbikëqyren nga pedagogë të dy departamenteve: Departamenti i Financës dhe Departamenti i Kontabilitetit.

Skema e vlerësimit

Shkalla e përvetësimit të programit mësimor vlerësohet me sistem notash nga 1 në 10, ku notat kanë kuptimin e mëposhtëm: 1-4 mbetës, 5 mjaftueshëm, 6 kënaqshëm, 7-8 mirë, 9 shumë mirë, 10 shkëlqyer.

Mundësia për studime të mëtejshme

Sistemi i njohurive që ofrohet nga ky program dhe aftësitë që fitojnë studentët nëpërmjet tij, u mundësojnë atyre edhe ndjekjen e një karriere kërkimore apo akademike, nëpërmjet vazhdimit të studimeve të ciklit të dytë, Master i Shkencave, ose të një Masteri Profesional, duke rritur kështu mundësinë e karrierës së tyre profesionale.

Mundësitë e punësimit dhe të kualifikimit profesional

Studenti, i cili zotëron një diplomë Bachelor në Financë mund të punësohet në institucione të ndryshme në nivel qendror dhe lokal, kompani (publike ose private), organizata të ndryshme, si specialist finance dhe kontabiliteti në fushën përkatëse të studimit.

Detajet e programit të studimit