Kushtet e pranimit në programin konkret të studimit

Studentët duhet të zotërojnë të paktën në nivelin B1, ( të vërtetuar me dokumentin përkatës) një nga gjuhët e huaja të vendeve të Bashkimit Europian ( anglisht, frengjisht, gjermanisht, italisht, spanjisht).

Studentët fitues në këtë program do të përzgjidhen mbi bazën e mesatares së arritur në studime e ciklit të parë Bachelor dhe preferencave të mësipërme.

Objektivat dhe veprimtaritë formuese të programit të studimit

Programi Master i Shkencave në Menaxhim Risku synon t’u përgjigjet nevojave të tregut për specialistë të aftë në identifikimin, analizën, vlerësimin dhe menaxhimin e riskut. Formimi organizohet rreth tre drejtimeve kryesore: menaxhimit të riskut të ndërmarrjes, menaxhimit të riskut financiar dhe menaxhimit të riskut të katastrofave, duke ndërthurur njohuritë teorike me zbatimin praktik dhe metodat sasiore të analizës së riskut.

Në përfundim të programit, të diplomuarit do të jenë të aftë të identifikojnë dhe vlerësojnë faktorët e riskut, të përdorin metoda sasiore dhe probabilistike për analizimin e tyre, të trajtojnë probleme komplekse në kushte pasigurie dhe të mbështesin proceset e vendimmarrjes. Programi zhvillon gjithashtu mendimin kritik dhe aftësinë për kërkim shkencor, duke kombinuar formimin në menaxhimin e riskut me vendimmarrjen, modelet e vlerësimit sasior, auditimin me bazë risku, vlerësimin e pasurive të paluajtshme, praktikën profesionale dhe punimin kërkimor të diplomës.

Skema e vlerësimit

Shkalla e përvetësimit të programit mësimor vlerësohet me sistem notash nga 1 në 10, ku notat kanë kuptimin e mëposhtëm: 1-4 mbetës, 5 mjaftueshëm, 6 kënaqshëm, 7-8 mirë, 9 shumë mirë, 10 shkëlqyer.

Gjatë provimeve aplikohet një sistem pikësh, rezultatet e të cilave konvertohen në nota bazuar në skemën e mëposhtme:

Mundësia për studime të mëtejshme

Profili shkencor i programit siguron njohuri të thelluara teorike dhe praktike në menaxhimin e riskut dhe zhvillon aftësitë për analizë sasiore, kërkim shkencor dhe trajtim të pavarur të problematikave komplekse të riskut. Kjo përgatitje krijon bazën për vazhdimin e studimeve të ciklit të tretë dhe për angazhimin në kërkim shkencor në fusha që lidhen me riskun financiar, riskun e ndërmarrjes, riskun bankar dhe riskun e katastrofave.

Mundësitë e punësimit dhe të kualifikimit profesional

Të diplomuarit mund të zhvillojnë karrierë si analistë, specialistë dhe menaxherë risku në sektorë të ndryshëm të ekonomisë. Mundësitë e punësimit përfshijnë institucione financiare bankare dhe jobankare, kompani sigurimi, ndërmarrje publike dhe private, institucione dhe ente të administratës qendrore e vendore, organizata dhe institucione kërkimore-shkencore, si dhe struktura të tjera ku kërkohet vlerësimi dhe menaxhimi sistematik i risqeve. Ky profil lidhet dhe me sektorë si pasuritë e paluajtshme dhe institucionet publike.

Një element dallues i programit është formimi në menaxhimin e riskut të katastrofave, i cili krijon mundësi për angazhim edhe në institucione dhe organizata që merren me emergjencat civile, parandalimin dhe vlerësimin e risqeve dhe rritjen e qëndrueshmërisë ndaj ngjarjeve të jashtëzakonshme. Programi është ndërtuar mbi konsultimin me përfaqësues të institucioneve financiare, administratës publike dhe organizatave të angazhuara në menaxhimin e riskut, duke reflektuar nevojat konkrete të tregut të punës.

Detajet e programit të studimit