Ditën e Hënë, dt. 29.08.2022, në Fakultetin e Ekonomisë u zhvillua një konferencë për shtyp në lidhje me regjistrimin e aplikantëve fitues për të ndjekur studimet në FE, Maturantët që janë ende në pritje dhe situatën në përgjithësi.
Të pranishëm në takimin me median ishte Dekanati i Fakultetit të Ekonomisë.
Dekani i FE, Prof. Dr. Dhori Kule gjatë fjalës së tij informoi se në Fakultetin e Ekonomisë ka patur rreth 17500 aplikime dhe rreth 9500 aplikantë për të ndjekur studimet Bachelor, të cilët përbëjnë 45% të aplikantëve gjithsej në Shqipëri.
Duke falenderuar të gjithë aplikantët për besimin dhe vlerësimin e treguar ndaj stafit dhe FE në tërësi, Dekani iu drejtua Maturantëve që ndodhen ende në listat e pritjes që të mos nxitohen, por të jenë të kujdesshëm duke pritur fazat 48 - orëshe pasi edhe nëse të gjithë aplikantët fitues regjistrohen, automatikisht lirohen 307 vende. Përveç kësaj, disa maturantë mund të regjistrohen në Fakultete të tjera.
Për të katërtin vit radhazi në Fakultetin e Ekonomisë zhvillohet mësimi në gjuhën angleze për të paktën një grup leksioni në secilën degë. Për këtë arsye ftojmë aplikantët fitues që do të regjistrohen që të zgjedhin në momentin e regjistrimit nëse duan ta zhvillojnë mësimin në gjuhën angleze.
Për më tepër mund të ndiqni në linqet më poshtë lajmin e publikuar në media:
Top Channel: https://top-channel.tv/video/top-channel-ne-pritje-te-studenteve-perfundon-renditja-ne-ekonomik-por-do-kete-serish-vende-te-lira/
Klan News: https://www.youtube.com/watch?v=RxEmbvW7Wr8
Vizion Plus: https://www.vizionplus.tv/te-rinjte-zgjedhin-ekonomikun-kule-deget-e-ketij-fakulteti-ne-perputhje-me-tregun-e-punes/
Ora News: https://www.youtube.com/watch?v=BJmlEzsztys
https://www.youtube.com/watch?v=qpKrAGiC91A&t=28s
News 24: https://www.youtube.com/watch?v=cy9DGCCfBKI
Report TV - https://www.youtube.com/watch?v=iMP360uWTjI
A2 CNN: https://a2news.com/video/studentet-duan-ekonomikun-kule-tregon-arsyen/
Syri TV: https://www.youtube.com/watch?v=AGX0switUM4