Master Profesional në Financë - Fakulteti i Ekonomisë, Universiteti i Tiranës

Titulli akademik i studimit	Diplomë e Masterit Profesional në Financë
Cikli i studimit	Studime të Ciklit të Dytë
Emri dhe statusi i institucionit	Universiteti i Tiranës, Fakulteti i Ekonomisë, Institucion publik
Gjuha e përdorur në mësimdhënie/ provime	Shqip
Kohëzgjatja zyrtare e programit të studimit	2 vjet
Forma e studimit	Me kohë të plotë

Kushtet e pranimit në programin konkret të studimit

Kriteret e pranimit të studentëve në programin e studimit, Master Profesional në Financë (MPF) Programet e studimit të ciklit të parë, që mundësojnë pranimin në Programin e studimit të ciklit të dytë:
1. Nga i njëjti institucion i arsimit të lartë	Do të pranohen: 1.Të gjithë studentët që kanë mbaruar studimet universitare në FEUT që kanë të paktën një diplomë bachelor në degën Financë - Kontabilitet dhe Administrim 2.Të gjithë studentët që kanë një diplomë bachelor në degët Ekonomiks dhe Informatikë Ekonomike të Fakultetit të Ekonomisë, UT.
2. Nga institucione të tjera të arsimit të lartë	Të gjithë studentët që kanë një diplomë bachelor në fakultete të ekonomisë (publike/ jopublike -vendase/ të huaja) mund të pranohen pasi të jetë lejuar njohja e diplomave të tyre sipas rregullave përkatës.

Kriteret e pranimit të studentëve në programin e studimit, Master Profesional në Financë (MPF)

Programet e studimit të ciklit të parë, që mundësojnë pranimin në Programin e studimit të ciklit të dytë:

1. Nga i njëjti institucion i arsimit të lartë

Do të pranohen:

1.Të gjithë studentët që kanë mbaruar studimet universitare në FEUT që kanë të paktën një diplomë bachelor në degën Financë - Kontabilitet dhe Administrim

2.Të gjithë studentët që kanë një diplomë bachelor në degët Ekonomiks dhe Informatikë Ekonomike të Fakultetit të Ekonomisë, UT.

2. Nga institucione të tjera të arsimit të lartë

Të gjithë studentët që kanë një diplomë bachelor në fakultete të ekonomisë (publike/ jopublike -vendase/ të huaja) mund të pranohen pasi të jetë lejuar njohja e diplomave të tyre sipas rregullave përkatës.

Objektivat dhe veprimtaritë formuese të programit të studimit

Programi Master Profesional në Financë ka një orientim të theksuar aplikativ dhe synon të zhvillojë aftësitë praktike dhe profesionale të studentëve për zbatimin e koncepteve, teknikave dhe instrumenteve financiare në situata konkrete. Programi ndërthur njohuritë teorike me praktikat profesionale, duke aftësuar studentët për të analizuar informacionin financiar, për të vlerësuar alternativa të ndryshme financiare dhe për të mbështetur proceset e planifikimit, administrimit dhe vendimmarrjes në organizata publike dhe private.

Veprimtaritë formuese mbulojnë një spektër të gjerë të financës së aplikuar, përfshirë financat e ndërmarrjes, tregjet financiare, vlerësimin financiar të biznesit, teknikën dhe drejtimin bankar, financën ndërkombëtare, financat e organizatave publike dhe pasuritë e paluajtshme. Formimi plotësohet me analiza të pasqyrave financiare, sisteme informacioni dhe modele në financë, drejtim risku financiar, portofol dhe qeverisje korporative. Praktika profesionale zë një vend të rëndësishëm në program dhe synon përdorimin konkret të njohurive dhe aftësive të fituara gjatë studimeve.

Mundësitë e punësimit dhe të kualifikimit profesional

Të diplomuarit në Master Profesional në Financë mund të punësohen në departamentet financiare të kompanive private dhe publike, banka dhe institucione të tjera të ndërmjetësimit financiar, institucione të administratës qendrore dhe vendore, ndërmjetës të pasurive të paluajtshme, ente publike dhe organizata të ndryshme.

Në varësi të profilit dhe eksperiencës profesionale, ata mund të angazhohen si specialistë finance, analistë financiarë, specialistë të planifikimit dhe buxhetimit, specialistë të vlerësimit financiar, specialistë bankarë apo menaxherë financiarë. Gjerësia e formimit aplikativ u mundëson të diplomuarve të përshtaten me funksione të ndryshme financiare dhe të avancojnë drejt roleve me përgjegjësi më të lartë në administrimin financiar të organizatave.

Skema e vlerësimit

Shkalla e përvetësimit të programit mësimor vlerësohet me sistem notash nga 1 në 10, ku notat kanë kuptimin e mëposhtëm: 1-4 mbetës, 5 mjaftueshëm, 6 kënaqshëm, 7-8 mirë, 9 shumë mirë, 10 shkëlqyer.

Gjatë provimeve aplikohet një sistem pikësh, rezultatet e të cilave konvertohen në nota bazuar në skemën e mëposhtëme:

Nota	Pikët
4	deri në 50 pikë
5	51-57
6	58-65
7	66-73
8	74-81
9	82-89
10	90-100

Mundësitë e punësimit dhe të kualifikimit profesional

Pas përfundimit të këtij programi studimi, në sajë të njohurive të marra, studenti ka akumuluar gjithë aftësitë e nevojshme si ekspert finance në një nivel të lartë njohurish shkencore teorike dhe praktike, duke bërë që një diplomë e tillë të mundësojë punësimin në institucione në nivel qendror dhe lokal, ente, kompani (publike apo private), shoqata të ndryshme, etj. si specialist i fushës përkatëse të studimit apo në rolin e manaxherit financiar.

Mundësitë e punësimit dhe të kualifikimit profesional

Detajet e programit të studimit

Nr.	Lënda	ECTS	Orë gjithsej	Semestri
Viti i Parë
1	Financat e Ndërmarrjes	6	60	I
2	Tregje Financiare	6	60	I
3	Kontabilitet Drejtimi i Avancuar dhe Analiza e Pasqyrave Financiare	6	60	I
4	Sisteme Informacioni dhe Aplikimi i Modeleve në Financë	6	60	I
5	Vlerësim Financiar i Biznesit	6	60	I
6	Teknikë Bankare	6	60	II
7	Drejtim Risku Financiar	6	60	II
8	Shërbime Tatimore dhe Doganore	6	60	II
9	Drejtim Financiar Ndërkombëtar	6	60	II
10	Drejtim Portofoli	6	60	II
Gjithsej Viti i Parë		60	600
Viti i Dytë
1	DF i Organizatave Publike	6	60	I
2	Drejtim Bankar	6	60	I
3	Tregu i Sigurimeve	6	60	I
4	Drejtim i Pasurive të Paluajtshme	6	60	I
Lëndë me zgjedhje
5	Qeverisje Korporatash	6	60	I
5	Marrja e Vendimeve Organizative	6	60	I
6	Praktika	12	240	II
7	Mikroteza	18	36	II
Gjithsej Viti i Dytë		60	576
Total Viti I+II		120	1176